ഞാന് ഇന്നലെ മരിച്ചു
ഇന്ന് ഉയിര്ക്കാന് ശ്രമിക്കുമ്പോള്
ജീവന്റെ മാലാഖ പറഞ്ഞു വേണ്ട
ഭാര്യ മക്കള് ബന്ധുക്കള് ലോകം
അവര്ക്കാര്ക്കും നിന്നെ വേണ്ട
പിന്നെ എന്തിനീ പാഴ്ശ്രമം
ഞാന് അവനോടു പറഞ്ഞു
എനിക്ക് എന്നെ വേണം
ഈ മനോഹര ലോകം വേണം
ഭോഗങ്ങള്ക്ക് സമര്പ്പിക്കാന്
എനിക്കീ ഉയിരുവേണം
കലഹിച്ചു കല്പാന്തം കഴിയണം
എന്റെ ജന്മപട്ടിക നോക്കി
ഇനി മനുഷ്യജന്മമില്ലെന്നും
പട്ടി മരപ്പട്ടി പോത്ത് കഴുത ഇതില്
ഒന്ന് എടുക്കാമെന്നും ആ അഗ്നി ജാതന്
ഞാന് പട്ടി ജന്മം തിരഞ്ഞെടുത്തു
എന്റെ കുര നിങ്ങള് കേള്ക്കുന്നില്ലേ ...
ليست هناك تعليقات:
إرسال تعليق